مكنش طبيعى خالص
فى لحظة الشوف الاولى ليكِ
تقررى نهاية علاقتنا ببساطة
لكن الطبيعى
أن كنت بشوفك نوع جديد من العرايس
ما يشبهش العروسة الحلاوة اللى اشتراها ابويا
لاختى الصغيرة فى المولد
وانا من قهرتى كنت بضرب عليها نار
فى اهم مكان حساس
على عربيت البمب
بروح انتقامية بيتمتع بيها فارس مهزوم
وهى نفسها العروسة اللى اخويا الكبير بسببها قطع شريان إيده اليمين
عشان مقدرش يكمل معاها قصة الحب الفاشلة
الضرورية جدا لتمارين قلب شاب مبيحسبهاش كويس
مشهد الفيلم ده كله بيتكرر قدامى دلوقتى
وانتِ بتشرحيلى المسافات البعيدة اللى كان لازم ما نمشهاش مع بعض
بس ابويا خارج المشهد واقف بعيد بيتفرج
وبيرش علينا ملح
ورافض نرمى عليه الهم
!!!
عشان كده مكنش طبيعى ان اصبر كل ده
من غير ما اعلمك حاجة مهمة جدا
ان العادة السرية!! اللى كانت بتونسنا فى خلوتنا
وبنطلع فيها الهم
مبقاش منها رجى دلوقت
ولازم تشوفلنا عادة سرية جديدة تجمعنا
نبداء بيها من الاول تانى مشوار الصبر
