selfie اخطفلك ......

( اخطفلك selfie ).
يا صاحبى
دا نجوم الافلام بيموتوا ...
وبكره الجاى ده مش مضمون
انا عايزك تعرف بصراحة
الدنيا مش دنية راحة و إحنا الاغراب ع الارض
والارض صالون إستقبال و شوية وراجعين لترابها .....
شوفت ازاى !!!!! مش كيمياء ولا فيزياء حديثة
دى قناعة وبديهة و دين ..
الصاحب لحظة وبيفوت الاخ مهوش دايم ليك
مش عارف انا امتى هموت !!!!!
والحظ بيلعب بالدور
و الرحلة مفيهاش زى ما قالوا ...خريطة وعنوان ..
الرحلة , الساعة والان ,,,,
طب اقولك مش عايز اطوّل على عمرك
تعالى جنبى ناخدلنا selfie ,
يمكن نخطف حاجة تدوم...

انا ورودى سعيد ناسا اكتر واحد صاحبى 

واحد , الرضا

انا اسف لو شايف فى ملامحى حبة تغيبر ، وكمان صوتى ، مهو ايامنا بتجرى وعدى كتير ، بتقول ايه ! عقلى ! والله ما فاكر راح فين ، تقريبا اخر ايامنا كانت كلها خناقات ، قلبى !!! مش زى زمان خطواته كلها نهجان ، حتى اصحابى ، اصحابى اللى بصمنا مع الدنيا نفس الفيش والتشبيه ، لاوكمان من كتر الشبه الواصل بينا كانت بطايقنا كلها واحده ، ياااااه حتى اصحابى فى الدنيا بقوا زى التايهين , اللى اتسرسب وسط الايام واللى ملوش عنوان ، بتقول ايه ، احنا كبرنا ، ايوه كبرنا ، بس الاعمار بيد الله ، واللى اتعاش مش هنعيده ، ولو اتجمعنا يبقى بصدفة ، يا هنتقابل 100 % عضم فى قفة ، ياااااااه اسف اصل نسيت ارحب بيك شايك إيه ؟ , اوعى تكون بتحب المر وبتشربه سادة زى حلاتى !! ، ليه مبتردش ، من اول ماوصلت وانت بتسمع !!!!
!!!! بتقول ايه انت ملاك الموت يعنى خلاص هتقبض روحى طب تسمحلى هدخل ابوس على خد الاحلام الضايعة وارجعلك مش ندمان 
‫#‏تعب_الرحلة‬ 
‫#‏العمر_بيجرى‬
‫#‏الرضا‬

طعم الوطن غربة

هو انت لسه بتشتكى للفرح ؟

هو انت لسه بتشتكى من الحزن!!!

هو انت لسه بتشتكى !!

رغم اللى عدى من الزمن

رغم الالم

الزحمة مش زحمة وداع

الزحمة زحمة ناس بتعشق الضياع

وانا وانت بس اللى قاتلنا حلمنا فى لحظة رجوع

كل اللى خانوا بيكرهوا

وكل اللى باعوا بيشتروا بالرخص

كل اللى خانوا بيرحلوا

والباقى فينا كلمتين حبة امل ودمع العينين

لما اكتمل جوانا شئ ما بنعرفوش ولا نفهمه

جوانا شئ مهما انكتب ما بيتشرحش

ولا يفهمه غير اللى عاشه واتامله

طعم الوطن غربة ……….

لو دقته مره ما تنسهوش

لو عيشته مره هتكرهه !

هيعذبك, دى اقل حاجة تحسها

دا الغربة مش غربة مكان

الغربة غربة اسئلة ملهاش اجابة

الغربة غربة فى الطريق ملهوش نهاية  او دليل

الغربة غربة اسئلة ملهاش اجابة مقنعة

الغربة وحدة , الغربة سجن , الغربة ليل

 ‫#‏طعم_الوطن_غربة‬

فراغ

هذا الفراغ لا يملؤه الا الحزن

والوحدة

والتفكير

هذا الفراغ لاشئ سوى

بعض من ماضى الذكريات

تركناه نحن باختيارنا

على عتبات هذا الكون

هذا الفراغ

لا لون

لا طعم

لا ترتيب فيه

هذا الفراغ

لا يعجبه أحد منا

هذا الفراغ

لا نجوم

ولا مجرة

ولا كواكب

هذا الفراغ فضاء قاسى

يقتل انسانيتنا

هذا الفراغ

يقتلنا ببطء غير اختيارى

هذا الفراغ

لا يعجبه أحد

سوى الصمت

هذا الفراغ يملؤه

الصمت

وبعض من الجراح العميقة

أطباء

نسجل اسمائنا 

فى سجلات الكشف الطبى

وننتظر 

صوت ممرضات بيضاء

تنادينا

كهلاوس  ما بعد تعاطى المسكنات

نوُصف للاطباء الألم 

يكتب وصفته الطبية

فى هدوء

ونصائح يجب ان ناخذ بها 

ثم نرحل 

نرحل 

وتبقى فى كل الاحوال

الام المرض

واستمرار 

لمرارة الدواء 

فى الحلق 

واوجاع

السهر

والقلق

والانتظار 

واروراق عديدة تحمل 

اسم المريض 

والعمر 

وتاريخه  المرضى 

الالم

الالم , كائن بسيط جدا 

بيقضى وقت يستمتع بيك , 

قبل اللحظة اللى بترتكب انت فيها الجريمة الكاملة 

وتموته او تموت بيه

الموت

الحياة بروفة استعداد سريعة للموت والموت صاحب يا تقابله بالحضن وتقنعه بالرحلة أو يخطفك فجأة فى لحظة يأس الموت صاحب معندناش فرصة لاختيارهأو حتى قعدت دردشة وعتاب

عن الناس الغريبة

***

أنا ابن الناس الغلابة 

أنا ابن الناس الغريبة 

أنا ابن الناس الفقيرة 

أنا ابن الناس اللى راحت 

أنا ابن الناس اللى نادت

أنا ابن الناس الغلابة ,وايديها ما اتمديتش 

أنا ابن الناس الغريبة , ووشوشها ما اتحفظيتش 

أنا ابن الناس الفقيرة , ومستورة ما اتعريتش

أنا ابن الناس اللى راحت , راحت ولا رجعتش 

أنا ابن الناس الغلابة ,وايديها ما اتمديتش فى جيب حد 

أنا ابن الناس الغريبة , ووشوشها ما تحفظيتش من حد 

أنا ابن الناس الفقيرة , ومستورة ما اتعريتش لعيون حد 

أنا ابن الناس اللى راحت , راحت ولا رجعتش , مهزومة من حد 

أنا ابن الناس اللى نادت , نادت ولا اتسمعتش من حد 

أنا ابن وجع الليالى 

وقت غياب الأطباء

أنا ابن وحيد للقبيلة 

اللى بتنجب انبياء

السرطان

كارت دعوة إختيارى

للموت

قرارك بالرفض

بيخلق حواليك ملايكة 

تأيدك

وإديها على إيدك

فى رص

السور النهائى والأخير

بينك وبين 

النهايات الحزينة

رفضك 

معناه دخولك فى طريق

مليان بشر روحها شفافة

كما روحك

ماتشوفش فيها غير الايمان والصبر

السرطان

كارت دعوة

سريع للموت

إستسلامك

وصمتك

بيسلمك بسهولة

للألم

للقسوة

لنظرات الشفقة اللى بتدبح

لليل ملوش أخر

بيسلمك  بسهولة 

لبشر  هتعيش طول عمرها تأرخ حياتك

بان الراحل 

مات بالمرض , أعوذ بالله الخبيث

السرطان

كائن وحيد حى 

بيعيش حوالينا

متسق مع ذاته

رسالته واضحة 

ومابيهزرش

الناس بتخاف منه

بتخاف تجيب سيرته

وبتستعيذ منه كما الشيطان 

وصية شهيد

لمّا تستلمى شهادة وفاتى

زغرطى

ماتعيطيش..

ماتبلّيهاش بـالدموع

إعملى زيىّ تمام

إهتفى وسط الميدان

سمّعيهم

يـا امّه صوتى

خلى اُمة مصر تشهد

إن موتى

يوم بنشهد

فيه ميلاد مليون بطل

بيعيْد هتاف هز عرش الدكتاتور

,,,

زغرطى

يـا امّه يمكن!!

يعرفوا

إن الشهيد على نعشه عايش

روحه بتلف الشوارع

على راس مسيرة

ضد حكم العسكريّة

أعلى من صوت الرصاص

رايته بيضه

راية تهزم بندقية

صوت إمام بيصلى

خلفه مليونية

,,,

زغرطى يا امّه

بغنوة تهدّ سور الحزن فينا

وتبنى سور للكرامة الإنسانية

,,,

لمّا تستلمى شهادة وفاتى

إبعتيها

للى حاكم

فى المحاكم

والنيابة

والمشير فى العباسية

ابعتيها لإعتصامى فـ الصينية

إمضى يا امّه بنفس حُـرّة

ع الشهادة بين قوسين

( ثورتى مابتنتهيش

ثورتى لازم تعيش

 ثورتى دى مستمرة)

,,,

لمّا تستلمى شهادة وفاتى

ضميها على صدرك

يا أمي أصلها شهادة ميلادى